Keçən xəbərimdə sizlərə sadə və eyni zamanda göz oxşayan göz makiyajlarını təqdim etmişdim. Asanlıqla özünüz də onu təkrarlaya bilərsiniz. Bildiyiniz kimi bu xəbərimdə də məqsədim bütün xanımların göz makiyajını asanlıqla öyrənib özlərinə tətbiq etməyi bacarmağıdır. Bunun üçün əvvəlcə tonal kremi çəkmək lazımdır. Sizlərlə balaca bir sirr bölüşmək istərdim. Tonal kreminizi üz nəmləndiricisi ilə əlinizin içində qarışdırıb sonra üzünüzə çəkin. Daha effektli olacaq.
Keçən xəbərimdə qaşlarımızı düzəldib daramağımızı yazmışdım. İndi isə aşağıdakı şəkildə hansı kistin hansı üz bölgəsi üçün olduğunu bildirəcəm.
Özümdən də bilirəm ki bir çox xanımlar gündəlik sadə makiyajı sevib bəyənirlər. Bacardığım qədər sadə makiyajları necə edəcəyimizi təqdim edirəm.
Bu şəkillərdə sadə makyajın edilmə qaydası ilə tanış olacaqsınız.
Sadə bir layner çəkilişi... Və gözlər inanılmaz dəyişilir. Hətta deyərdim ki insanın üz cizgiləri belə dəyişilir. Baxışlar tamam başqa cür olur.
Layner gözlərimi qabarıq göstərir, qara qələmə üstünlük verirəm deyirsinizsə, buyurun baxın. Ət rəngi göz kölgəsi də yerinə düşür. Gözlərimizin mənasını artıran və eyni zamanda çox qabarıq olmayan sadə bir makiyaj.
Deyirsiniz ki, mən də eyni ilə bu cür bəzənirəm, amma belə effekt alınmır?! Unutmayaq ki bu şəkildəki gözlərin makiyajını tamamlayan qoyma kipriklərdi.
Sadə çəkilmiş laynerə çəhrayı rəng də ton qataq. Gözlərimizin üstü tünd rəngdədirsə, mütləq bunu açıq rəngli tonlarla ört basdır etməliyik. Əks halda bəzənməyimiz hədər gedər.
Çəhrayı rəngi sevirsinizsə, bu cür gözünüzü bəzəyib hər hansısa mərasim üçün qaşlar düzə bilərsiniz. Həm sadə, həm də qeyri-adi görsənən göz makiyajıyla hamını özünüzə asanlıqla cəlb edə bilərsiniz.
Və yaxud da qara kölgə ilə gözəl gözlərinizə bəzək verə bilərsiz. Unutmayaq ki bəzi xanımlarımız qara kölgəyə üstünlük verir və düz də edirlər. Çünki qara rəngdə göz kölgəsi hər bir geyimlə gedir.
Məncə bu qədər sadəlik yetər, bir az da ziyafətlər üçün seçdiyim şəkillərə baxaq. Zərli göz kölgəsini sevən xanımlar, buyurun baxın. Belə bir ideyalar necədir sizin üçün?!
Ziyafətlər üçün əvəzolunmaz makiyajdir məncə.
Qara rəng göz boyasını sevənlər üçün ideal seçimdir.
Azacıq zərli və qara göz kölgəsindən ibarət olan gözəl bir makiyaj. Açıq rəngli gözlərdə daha qeyri-adi görsənər.
Bir az qabarıq zərli, amma şık bir makiyajdır! Bilirəm ki çoxlarımız tünd ya çox qabarıq göz makiyajını sevmirik. Lakin bəzən geyindiyimiz geyimlə uyğunlaşdırmaq üçün lazımdır.
Paltarınız mavi rəngdədirsə, bu makiyaj ideyası sizə kömək ola bilər. Məsələm, bu cür kölgələr cəlbedici və çox zərif olur.
Göy rəngli göz boyasının çəkiliş qaydası.
Gözümün rəngi qəhvəyidi və bu məni qane edir və sizin mənə hansısa bir təklifiniz varmı soruşursunuzsa, əlbəttə ki, var.
Əziz xanımlar, sonda isə qarışıq bir tonlar. Əslində bu son deyil, gündən-günə hər birinizin zövqlərini öyrənməyə çalışıb ona əsasən xəbər hazırlamağa çalışacam.
