Geyimdə rəng seçimi çox vacibdir, çünki rəng görkəminizi tamamən dəyişə bilir. Hansı rəng sizi dolğun, hansı solğun, hansı dolu, hansı incə göstərir bilirsinizmi?
Gəlin rəngləri birgə şərh edək:
Ağ və çəhrayı rəngin bütün tonları sizi daha dolğun göstərə bilir
Qara, göy, tünd qəhvəyi, tünd boz tonları daha uzun və zərif gostərir
Sarı, narıncı, yaşıl kimi göz oxşayan rənglər qüsurları daha çox üzə çıxarır
Parlaq rəngli parçalar kilonu gözə çarpdırır, mat parçalar qüsurları gizlədir
Mavi rəng hər dəri tonuna uyğunlaşa bilir
Qırmızının bütün tonları ağ dəri növünə ən gözəl uyğunlaşan rəngdir
Qara və ağ ən çox istifadə olunan rənglərdir
Qara rəngin qadınlara verdiyi cazibəni heç bir rəng verə bilmir. Həm də qara rəng heç zaman dəbdən düşməyən rəngdir. Qara rəng də bədəndə olan qüsurları bağlayıb, daha incə görünüş yarada bilir.
Hər rəng bir bədən tipində fərqli görünür. Əhəmiyyətli olanı bədəninizə uyğun, sizə yaraşanı seçə bilməkdir. Unutmayın ki, bədəndə olan qüsurları tünd rənglərlə gizlədib, bədənin nəzərə çarpdırmaq istədiyiniz gözəlliyini açıq rənglərlə daha da qabarda bilərsiniz. Bir şeyi də unutmayın agbədənlisinizsə, solğun tonlardan uzaq durmalısınız!
