27 fevralda Los-Anceles şəhərində Amerika kino Akademiyasının ən böyük mükafatı və dünya kinematoqrafiyasının ən yüksək mükafatı sayılan "Oscar" növbəti dəfə öz sahiblərinə çatdırıldı. 84-cü təqdimetmə mərasimi "Kodak" kino mərkəzində keçirildi. Mərasimin aparıcısı məşhur komik aktyor Billi Kristal idi. İlin ən yaxşı filmi beş nominasiyada qalib gələn,fransız rejissoru Mişel Xazanaviçusun çəkdiyi "Artist" filmi oldu.
"İlin ən yaxşı aktrisası" adına "Dəmir ledi" filmindəki roluna görə Meril Strip, "Ən yaxşı kişi rolu" na görə isə "Artist" filmindəki baş rola görə Jan Dujarden layiq görülmüşdür.
Mərasimə dəvət olunmuş bütün qonaqlar ənənəvi olaraq əvvəlcə qırmızı xalçadan keçdilər. Hər il olduğu kimi bu il də qırmızı xalçada əsl gözəllik yarışması canlandı.
