Əziz xanımlar, bu gün sizə qaş və kipriklərə necə qulluq etmək lazım olduğundan yazmaq qərarına gəldim. Yəqin ki, yazdıqlarımdan faydalanarsız.
Qaş və kiprikləri möhkəmlətmək üçün hər gün tük şotkanı A, D, E və F vitaminləri əlavə edilmiş ilıq gənəgərçək yağında isladıb onları masaj etmək lazımdır. Qaşları əvvəl şotka, sonra hər iki əlin orta barmaqları ilə ortadan kənarlara doğru istiqamətdə masaj edirik. Nəzərinizə çatdırım ki, gənəgərçək yağı qabığa qarşı gözəl vasitədir.
Kipriklərə qayğı böyük diqqət və səriştə tələb edir. Belə ki, səhv hərəkətlər qıcıqlanmaya səbəb ola bilər. Odur ki, şotkanı bilavasitə gənəgərçək yağına batırmaq lazım deyil. Bir damcı yağı şəhadət barmağına damızdırıb, sonra kiprikləri ona yaxınlaşdırır, gözləri açıb-yummaqla kipriklərin ucunu onunla isladırıq.Bundan sonra yağı kiprik şotkalari ilə onun iç kənarlarına doğru əvvəl yuxarı, sonra aşağı kipriklərə sürtürük. Hər dəfə işlətdikdən sonra şotkani isti su və sabunla yuyur qurulayıb ayrıca yerdə saxlayırıq.
Əziz xanımlar, hər birinizə gözəl qalmağı arzulayıram.
