Həyatımıza gələcəyini öyrəndiyim zaman dünyalar mənim oldu.O kiçik testdən böyük bir xəyal çıxmışdı . Hələ ürək atışlarını eşitdiyimiz gün, atan da məndə həyəcandan nə edəcəyimizi çaşdıq. Çox xoşbəxt olduq. Hamiləliyimin ilk altı ayı problemsiz keçdi.Sənin gələcəyini həyəcanla gözləyərək keçirdim o günləri. Amma altıncı ayın sonunda qarınımda yüngül bir sancı başladı. Qorxdum körpəm.Həyəcanla həkimimizə getdik.
Həkimimiz erkən doğum riski deyincə səninlə necə danışdığımı xatırlayırsanmı şahzadəm? "Gözlə birdənəm.Xahiş edirəm, qal bir az daha içimdə.Sən də gəlmək istəyirsən, amma indi deyil mələyim "deyə azmı dil tökdüm sənə. Sənə sağ-salamat qovuşa bilmək üçün xəstəxanada yatmağım gərək idi.Iynələrlə dayandılar sancımı.Həkimim "istəsən evə get, evdə istirahət et"dəyincə , etiraz etdim. Istəsə bir il yatmam gərəksə belə burada qalacağam, yetər ki, sənin o xoş ətirli qoxunu duyum canım.
Doğuma bir həftə qalmış evə gəldik. 36-cı həftənin sonunda götürəcəkdilər səni içimdən... . 23 noyabr səhər xəstəxanaya doğru yola çıxdıq. Əməliyyat olacaqdım. Atan da, mən də çox həyəcanlıydıq, quzum.
Yolda gedərkən boğazıma bir şey düyünləndi, üstəgəl bir də qarın ağrısı əlavə olundu buna. Amma bilirsən birdanam,mən kimsənin yanında ağlaya bilmirəm ki. Hormonlara belə məğlub olmayıb doqquz ay boyunca tutdum özümü. Xəstəxanaya gəldiyimizdə doqquz aydır içimdəki təxirə saldığım seli boşaldacağımı anladım birdənəm.Asan deyil, sən gəlirsən körpəm. Tibb bacısı gəldi və hazırlıqlara başladı. Önlüyümü geyindim, əməliyyatxanaya getmək üçün liftə mindim. Atanla vidalaşdım sonra. Atan var ya, yaşlı gözlərini saxlamağı bacara bilmədi məndən. Əməliyyatxanada tək idim. Atan da yox idi, nənən də. Son dəfə əlimi qarnıma qoydum, bağladım gözlərimi. Son dəfə hiss etdim o balaca tərpənişini. Bəlkə də ən çox buna darıxacağam, gəlmədən əvvəl səndən qalan xatirə olaraq. Bir anda yuxuya getmişəm, quzum.
Gözlərimi açdığımda ağzımdan çıxan ilk sözlər sənin harada və necə olduğun idi. Səni gözləyir otağında dedilər.Və budur həmin an. Kiçik bir şeyin içində yatmısan günahsız- günahsız tərtəmiz. Qucağıma verdilər səni. Aman Allahım, o nə gözəl bir qoxu, gülü belə qısqandırar, o nə gözəl bi bədən, pambıqların acığına.... . "Ana, bundan sonra sənə əmanətəm, buraxma məni,deyərkən". Söz verdim gözlərimlə sənə. Anamın "Ana olarsan, başa düşərsən məni" sözünə gülər keçərdim quzum. Amma daha ilk saniyədə anladım nə qədər uca bir duyğu olduğunu Hərdənbir səndələyəcəksən həyatda, amma düşməkdən qorxma, oldumu?Hər vaxt və hər yerdə əllərim əllərini hazır gözləyər qaldırmaq üçün... Qorxma, yaxınlaş anana....
