Alma sirkəsi çəkini azaltmağa köməkçi bir vasitədir. Lakin, əgər alma sirkəsiylə zəifləmək istəyirsinizsə, istifadə edəcəyiniz sirkə ev şəraitində, qatqısız, təbii və gigiyenik olmalıdır. Yoxsa, alma sirkəsindən lazım olan faydanı ala bilməzsiniz. Alma sirkəsi arıqlamaq üçün də, gözəllik üçün də vacib vasitə sayılır. O halda gəlin birlikdə alma sirkəsinin hazırlanma qaydası ilə tanış olaq.Ev şəraitində alma sirkəsi hazırlamaq çox asandır. 2 ay kimi qısa bir müddətdə özünüz alma sirkənizi hazırlamış olacaqsınız. Beləcə qatqılı və turşulu sirkəyə də pul verməmiş olacaqsınız. Üstəlik də içindən lazım olan maksimum faydanı alacaqsınız.
Alma sirkəsi necə hazırlanır?
Əvvəlcə əsas şərtləri deyim. Alma sirkəsini şüşə qabda hazırlamalıyıq. Daha sonra içinə xlorsuz su qoyuruq. Suyu lazım olsa, əgər bulaq suyu isə bir gün əvvəldən qaynadıb soyuduruq. Alma sirkəsini həftədə 1 dəfə qarışdırırıq.
İndi də istehsalına keçək.
Evdə alma sirkəsini necə hazırlayırlar?
Alma sirkəsi şirin almadan hazırlanır. İçinə bal (yaxud şəkər) və noxud qoyulur.
Vəsaitlər:
5 ədəd yaşıl (şirin) alma
2 ədəd qənd
8 - 10 ədəd noxud
2 dilim bayat çörəyin içi
1 çay qaşığının ucunda duz
3 yarım litr su
Hazırlanması:
Bir gün əvvəl su qaynadılır və soyudulur. Soyulmuş alma qabıqları, bayat çörəyin içi, qənd və noxud böyük bir qaba (suyun da girə biləcəyi böyüklükdə) qoyulur. Üzərinə bir gün əvvəl qaynadılmış və soyudulmuş olan su, duz əlavə olunur. Qabın ağzı çox möhkəm bir şəkildə bağlanılır. Qaranlıq bir yerdə iyirmi beş gün saxlanılır.
Süzgəc üzərinə bir kağız salfet qoyulur və sirkə böyük bir qazana süzülür. Bu mərhələdə, dadı sirkəyə bənzəməyəcəkdir və qoxusu da çox xoş olmayacaqdır. Bu sizi şübhəyə salmasın.
Qab təmizlənir. Süzülmüş olan su təkrar qaba boşaldılır. İçinə iki qaşıq üzüm sirkəsi qoyulur. Qabın ağzı təkrar möhkəmcə bağlanılır. Ən azı bir ay yenə qaranlıq bir yerdə saxlanılır. Sirkə nə qədər uzun müddət saxlanılsa, bir o qədər də ləzzətli olacaqdır. Daha sonra tünd rəngli şüşəyə boşaldılıb, istifadəyə hazır olana kimi gözlənilir.
